Almaniyanın Sosial Demokrat Partiyanın baş nazir postuna namizədi Martin Shulz Ərdoğan haqda sərt ifadələr işlədib.

O, 7-8 iyulda keçiriləcək G-20 sammitində iştirak etmək üçün Almaniyaya səfər edəcək Türkiyə prezideni Ərdoğana geniş fəaliyyət imkanları tanınmamasını istəyib. Shulz Ərdoğanı dəyərləri ayaqlar altına atmaqda ittiham edib:

“Öz ölkələrində dəyərlərimizi ayaqlar altına atan siyasətçilər Almaniyada təxribatçı tədbirlər təşkil edə bilməzlər. Türkiyədə müxalifləri və jurnalistləri həbsxanaya atan Ərdoğana Almaniyada geniş fəaliyyət imkanları yaradılmasını itəmirəm,”- deyə Shulz qeyd edib.

Xatırladaq ki, G-20 sammitində iştirak etmək üçün Almaniyaya səfəri gözlənilən Ərdoğanın bu ölkədəki türklərə xitab olaraq çıxış etməsi planlaşdırılır.