Dağlıq Qarabağ nizamlanması üzrə danışıqların formatının dəyişdirilməsi yalnız tərəflərin razılığı ilə mümkündür. Bu barədə Rusiya XİN rəsmi nümayəndəsi Mariya Zaxarova cümə günü Moskvada brifinqdə bildirib.

"Rusiya ATƏT-in Minsk Qrupunun həmsədri kimi dəfələrlə danışıqlar formatı ilə bağlı fikrini bildirib ki, dəyişiklik yalnız tərəflərin razılığı əsasında mümkündür. Bu, təkcə bizim mövqeyimiz deyil, həm də üçlüyün (ATƏT-in Minsk Qrupu) digər üzvlərinin mövqeyidir", - o deyib.

"Əgər hansısa mərhələdə tərəflər Dağlıq Qarabağın danışıqlarda təmsil olunması ilə bağlı razılığa gələrsə, bu, onların qərarı ilə olacaq və biz buna hörmətlə yanaşacağıq", - o deyib və diqqəti ATƏT-in Minsk Qrupu həmsədrlərinin 9 mart tarixli son bəyanatına yönəltməyə çağırıb.