"Efirlərdən tanınmışıq, pul istəmək..." - Oksanadan Xatirəyə cavab
"Efirlərdən pul istəmək düzgün deyil. Çünki insanlar bizi televiziya sayəsində tanıyıb və seviblər".
Bu sözləri rəqqasə-aktrisa Oksana Rəsulova İnstaqramda canlı yayımda olarkən deyib. Sənətçi müğənni Xatirə İslamın verilişlərə çıxmaq üçün pul istəməsinə münasibət bildirib:
"Nəticədə sən efir sayəsində tanınmış sima olmusan. Düzgün olmaz, bu, lazım deyil. Əvvəlcədən belə hal olsaydı, deyərdim yaxşı. Buna axı öyrəşməmişik, hələ bizdə bu qanun formalaşmayıb. Əgər telekanallar bunu özləri qəbul etsəydi, nə gözəl.
Amma indi büdcə yoxdur axı. Bir çox hallar var ki, seriallar, film üçün büdcə yüksək olmur. Balaca bir məbləğlə nələrsə etməyə çalışırıq. Kimisə bu mövzuda zorlamaq istəməzdim".