Aktyor ilə kinostudiyanın direktoru arasında qalmaqal: “Tüpürüm o mükafata...”
Tarix: 19-12-2017, 13:24 |
Aktyor Hikmət Rəhimov ilə kinostudiyanın direktoru Müşfiq Hətəmov arasında qalmaqal yaşanır.
M. Hətəmovun “Üçüncü günün adamı” filminə görə 5-ci Antakya beynəlxalq film festivalında “Ən yaxşı kişi aktyoru” nominasiyasına layiq görülən aktyorun mükafatı almasında rolu olduğunu iddia etməsi Rəhimovu özündən çıxarıb:
“Bunu deməliyəm, çünki səhərə qədər əsəbimdən yata bilməmişəm. Kinostudiyanın direktoru Müşfiq Hətəmov deyir ki, “Hikmətin aldığı mükafatı mən həll etmişəm”. Hətəmov, mən də sənə deyirəm ki, tüpürüm o mükafata ki, onu sən mənə vermisən və orda-burda bunu başa vurursan. Rahat ol, dilimə gətirən də deyiləm. Səni ora işləməyə qoyublar, daha mütilik etməyə yox. Adamını tanı, ağıllı ol. Məni ətrafındakılarla səhv salma”.
