Ronaldo İspaniyanın vergi qurumlarına 14,7 mln. avro ödəməkdən imtina edib
Tarix: 23-06-2017, 07:07 |
“Real” (Madrid) futbol klubunun və Portuqaliya yığmasının hücumçusu Kriştianu Ronaldu İspaniyanın vergi qurumlarına 14,7 mln. avro ödəməkdən imtina edib.
Futbolçu iyulun 31-də öz mövqeyini məhkəmə qarşısında izah etmək niyyətindədir. Ronaldunun proseslə əlaqədar artıq “Baker & McKenzie” beynəlxalq hüquq şirkətinin iki vəkili ilə müqavilə bağladığı bildirilir.
Qeyd edək ki, K.Ronaldu 2011-2014-cü illərdə İspaniyanın dövlət qurumlarına 14,7 mln. avro vergidən yayınmaqda şübhəli bilinir.
