Aralıq dənizində iki gündə 300-dən çox miqrant aşkarlanıb
Tarix: 16-06-2017, 17:29 |
Dənizdə xilasetmə xidməti iki gün ərzində Aralıq dənizində İspaniya sahillərinə yetişməyə cəhd göstərən 300-dən çox qeyri-leqal miqrant aşkarlayıb.
AZƏRTAC RİA Novosti informasiya agentliyinə istinadla xəbər verir ki, təkcə cümə axşamı günü Andalusiya (İspaniyanın cənubunda yerləşən muxtar qurum) sahillərində içərisində 190 mühacirin olduğu yeddi qayıq aşkarlanıb. İyunun 16-da günün birinci yarısınadək isə 130 miqrantı daşıyan daha üç gəmi tapılıb.
Beynəlxalq Miqrasiya Təşkilatının məlumatına əsasən, bu ilin əvvəlindən bəri Aralıq dənizi vasitəsilə Avropaya 77 mindən çox miqrant və qaçqın gəlib. 1828 nəfər dənizi keçməyə cəhd göstərərkən həlak olub.
