Hizbullah”dan qorumaq lazımdır
Tarix: 26-03-2019, 09:30 |
ABŞ prezidenti Donald Tramp İsrailin baş naziri Benyamin Netanyahunun iştirakı ilə sionist dövlətin Qolan yüksəklikləri üzərində suverenliyini tanınmasına dair sənədə imza atıb.Bu barədə "Reuters" məlumat yayıb.
“Bu, bir neçə onilliklər əvvəl baş verməli idi”,-deyə Tramp qeyd edib.
Onun sözlərinə görə, İsrail özünü təhlükədən qorumaq üçün 1967-ci ildən Qolan yüksəkliklərinə nəzarəti əlində saxlayır. O əlavə edib ki, hazırda İsraili İrandan və Suriyadakı qruplaşmalardan, eləcə də “Hizbullah”dan qorumaq lazımdır.
Netanyahu qarşılığında Amerika liderinə minnətdarlığını bildirib: "İsrailin heç vaxt sizin kimi yaxşı dostu olmayıb".
Qeyd edək ki, BMT və Avropa Birliyi İsrailin Colan yüksəklikləri üzərində suverenliyini tanımayıb.
