ABŞ Dövlət Katibi Mayk Pompeo bəyan edib ki, Vaşinqton  Qazaxıstanla əməkdaşlığı genişləndirmə ümidindədir. Bu barədə Qazaxıstanın  müstəqilliyinin 27-ci ili ilə əlaqədar Qazaxıstana təbrik məktubunda bildirilir.

"Biz iki ölkənin xalqlarının rifahı naminə Qazaxıstanla əməkdaşlıqları genişləndirmək ümidindəyik", - deyə Pompeo bəyan edib.

O, həmçinin  Qazaxıstan hökumətinə Livanda BMT missiyası çərçivəsində  sülhməramlıları yerləşdirliyi üçün minnətdarlığını bildirib.

Onun sözlərinə görə, Astana dünya arenasında sülhün və sabitliyin təminatçısı   və Mərkəzi Asiyada, həmçinin kənarda iqtisadi sabitliyin inkişafında tərəfdaş kimi mühüm rolu üzərinə götürür.

Bundan əvvəl bildirilmişdi ki, ABŞ və Qazaxıstan nümayəndələri  strateji müttəfiqliyin genişləndirilməsi barədə danışıqlar aparacaqlar.