Prezidentin bayram çıxışı zamanı Kabil atəşə tutulub
Tarix: 21-08-2018, 10:19 |
Əfqanıstan prezidenti Əşrəf Qəninin Qurban bayramı münasibətilə çıxışı zamanı paytaxt Kabil raket atəşinə tutulub.
Bu barədə "TOLO news" telekanalı məlumat yayıb.
Kanal bildirir ki, hücum yerli vaxtla saat 09:00-da baş verib və hədəf prezident sarayı olub.
Raketlərin paytaxtın hansı hissələrinə düşdüyü və dəyən ziyanla bağlı əlavə məlumat verilməyib.
Hələ ki, terror qruplaşmalarından heç biri hadisəyə görə məsuliyyəti üzərinə götürməyib.
