Kadırov Telegrama görə dilxor olub
Tarix: 13-04-2018, 15:25 |
Çeçenistan rəhbəri Ramzan Kadırov Rusiya ərazisində Telegram şəbəkəsinin qadağan edilməsi barədə məhkəmənin qərarını şərh edib. O, Telegramın bağlanılmasına görə üzüldüyünü dilə gətirib.
"Əlbəttə, üzücüdür ki, Telegram rəhbərliyi ilə hüquq-mühafizə orqanları arasında kompromis olmadı. Məhkəmə qərar qəbul edib və əgər Telegram Rusiyada bağlansa, mən şəbəkəyə daxil olmaq üçün hansısa yollar axtarmayacağam və heç bir proqramdan istifadə etməyəcəm",-deyə Kadırov bildirib.
Çeçenistan prezidenti həmçinin əlavə edib ki, şəbəkədən istifadə rahat və sadə olub.
