Banqladeşdə Myanmadan olan rohinca qaçqınlarının sayı 391 min nəfər çatıb, bu say arta da bilər.

Bu barədə Asiya və Sakit okean regionu ölkələri üzrə Beynəlxalq Miqrasiya Təşkilatının (BMM) mətbuat katibi Kris Lom brifinqdə bildirib.

"Son məlumatlar son üç həftə ərzində 391 min nəfər olduğunu gösərir. İnsan axınının dayanacağına dair heç bir işarə də yoxdur. Hələ yüzlərlə insanın sərhədi keçməyə hazırlaşdığını düşünürük", - K.Lom vurğulayıb.

Onun sözlərinə görə, qaçqınların hamısında yorğunluq, aclıq və şahid olduqları zorakılıqların travması var.

BMT-nin Qaçqınlar üzrə Ofisinin sözçüsü Andrey Maxeçiçin sözlərinə görə, Myanmanın Rakhayn əyalətindəki vəziyyət üç həftə ərzində bu böhranı son illərdə ən sürətli böyüyən humanitar böhranlardan birinə çevirib.