Qoruq işçilərini yaralayan brakonyer saxlanılıb
Tarix: 3-10-2018, 11:30 |
Oktyabrın 1-də axşam Qızılağac milli parkı ərazisində naməlum şəxs bu təbii obyektin əməkdaşlarına atəş açıb və gizlənib.
Ekologiya Nazirliyinin məlumatına görə, Arif Cəfərov və Böyükkişi Qaraşov yaralanıb, onlar xəstəxanaya aparılıb və tibbi yardım göstərilib.
Yerli polis araşdırmalar zamanı onlara atəş açan brakonyerin şəxsiyyətini müəyyən edib. Bu, qoruq ərazisində ovlamaq istəyən, amma qoruq işçilərinin mane olduğu Masallı rayonunun Keçəklik kənd sakini İlqar Səmədovdur.
Əməliyyat-axtarış tədbirləri nəticəsində Səmədov saxlanılıb, istintaq aparılır.
